ڕێژنە میدیا
ئەو ژنەی چەند رۆژێک پێش ئێستا لە سنووری پارێزگای دهۆک لەلایەن برایەکییەوە سووتێنرا، بەهۆی زۆری رێژەی سووتاوییەکەیەوە گیانی لەدەستدا.
شیرین ئەنوەر بەڕێوەبەری نەخۆشخانەی سووتاوی دهۆک رایگەیاند، بەیانی ئەمڕۆ یەکشەممە، کوفان نوری ئەو ژنەی چەند رۆژێک پێش ئێستا لەلایەن برایەکییەوە ئاگری تێبەردرابوو، بەهۆی زۆری رێژەی سووتاوییەکەیەوە گیانی لەدەستدا.
کوفان تەمەنی 35 ساڵ بوو و خاوەنی سێ منداڵ بوو، چەند رۆژێک پێش ئێستا هەواڵی ئەوە بڵاوبووەوە، ناوبراو لەلایەن برایەکییەوە کە تەمەنی 45 ساڵە هێرشکراوەتە سەری و لێیدراوە و پاشانیش سووتێنراوە.
دواتر دەنگۆی ئەوە بڵاوبووەوە کە تۆمەتبارەکە دوای رووداوەکە هەڵاتووە، بەڵام دوای چەند کاتژمێرێک هەواڵی دەستگیرکردنی لە سنووری ئامێدی بڵاوکرایەوە.
