سەبارەت بە ڕاوکردنی ماسی هۆشداری بە هاوڵاتیان و گەشتیاران دەدرێت

ڕێژنە میدیا

بەڕێوەبەرایەتی پۆلیسی دارستان و ژینگەی پارێزگای سلێمانی رایدەگەیەنێت؛ سبەینێ وەرزی راوکردنی ماسی دەستپێدەکاتەوە و دەشڵێت: لەماوەی وەرزی قەدەغەی راوکردن 80 کەس لەسەر راوکردنی ماسی دەستگیرکراون.

لە راگەیەندراوێکدا بەڕێوەبەرایەتی پۆلیسی دارستان و ژینگەی پارێزگای سلێمانی دەڵێت:دوای ئەوەی بۆ ماوەی سێ مانگ و پانزە ڕۆژ قەدەغەی ڕاوی ماسی ڕاگەیەندرا، ئەفسەر و کارمەندانیان لەو سنورانەی چەم و ڕوبار و دەریاچەی هەیە کەوتنە حاڵەتی ئامادەباشی لەو ماوەیەدا چەندین چالاکیان ئەنجامداوە بەم شێوەی لای خوارەوە:

1- 80 هاوڵاتی تەنها لەسەر ڕاوکردنی ماسی دەستگیر کراون

2- 674 تۆڕی قەبارە جیاواز دەستی بەسەردا گیراوە

3-نزیکەی 1500 ماسی ڕاوکراو دەستی بەسەردا گیراوە

4-سەدان ماسی زیندو لە تۆڕەکان لێکرانەوە و دوبارە خراونەتەوە ناو دەریاچە و ڕوبارەکان

5- 17 بەلەمی هەمەجۆر دەستی بەسەردا گیراوە

6- 23 سەوڵ دەستی بەسەردا گیراوە

7-چوار چوپ دەستی بەسەردا گیراوە

8-دو ماتۆڕی بەلەم دەستی بەسەردا گیراوە

9- 10 شەداو دەستی بەسەردا گیراوە

10- 32 قولاپ دەستی بەسەردا گیراوە

11-دو مۆلیدە و سی مەتر وایەر دەستی بەسەردا گیراوە

12-هەشت ماتۆڕسکیل دەستی بەسەردا گیراوە

13-شەش ئۆتۆمۆبێل دەستی بەسەردا گیراوە

14-سێ چەکی جۆری کڵاشینکۆف 86 فیشەکی کڵاشینکۆف دەستی بەسەردا گیراوە

15-نیوکیلۆ ژەهر دەستی بەسەردا گیراوە

پۆلیسی دارستان و ژینگەی پارێزگای سلێمانی داوا لە هاوڵاتیان و ڕاوچیانی ماسی دەکات پابەندبن بە ڕێنماییەکان و ئاگاداربن لەوەی لە هەمو کات و ساتێکدا ڕاوکردنی ماسی بەبەکارهێنانی (ژەهر، کارەبا، هەمو جۆرە تەقەمەنیەک) قەدەغەیە و بەکارهێنەرانی ڕوبەڕوی یاسا دەکرێنەوە.