ڕێژنە میدیا
هەندێک کەس ئارەزووی ئەوە دەکەن تەنها سپێنەی هێلکە بخۆن لەکاتی ڕێجیمکردندا، چونکە پێیان وایە ڕەنگە زەردێنەکە ببێتە هۆی زیادبوونی کێشیان، ئایا ئەمە ڕاستە؟
لە راپۆرتێکی ماڵپەڕی “Times of india” دا ئاماژە بە کاریگەرییەکانی زەردێنەی هێلکە لەسەر کێشی جەستە دەکات.
بەشێکی زۆری خەڵکی باس لەوە دەکەن کە زەردێنەی هێلکە پەیوەندی بە هۆکاری زیادبوونی کێشەوە هەیە، چونکە ڕێژەیەکی بەرزی کۆلیسترۆڵی تێدایە کە بە نزیکەی ١٨٦ میلیگرام مەزەندە دەکرێت، بەڵام جێگای سەرسوڕمان ئەوەیە کە ئەو کۆلیسترۆڵەی کە لە هێلکەدا هەن ڕۆڵێکی سەرەکی دەگێڕێت لە بەرهەمهێنانی هۆرمۆنی تێستۆستیرۆن لە جەستەدا، هەروەها یارمەتی زیادکردنی ئاستی وزە و دروستکردنی ماسولکە و پاشان دابەزاندنی کێش دەدات.
لەکاتی خواردنی ١٠٠ گرام زەردێنەی هێلکە، جەستە ١٦.٤ گرام پرۆتینی دەستدەکەوێت، ئەمەش بەشدارە لە کەمکردنەوەی ئەو کالۆریانەی بەدرێژایی ڕۆژ بەکاردەهێنرێت، توانای ئەوەی هەیە کە گەدە بۆ ماوەی چەند کاتژمێرێکی زۆر بە تێری بهێڵێتەوە، ئەمە جگە لەوەی ڕۆڵی کاریگەری هەیە لە بەرزکردنەوەی میتابۆلیزمی جەستەدا.
سەبارەت بە کالۆری، هێلکەیەکی قەبارە مامناوەند ٥٧ کالۆری تێدایە، ١٥ کالۆری بۆ سپێنەی هێلکەکە و ٥٢ کالۆری بۆ زەردێنەکە.
کاتێک واز لە زەردێنەی هێلکە دەهێنیت، جەستە بێبەش دەکەیت لە بەدەستهێنانی ئەو ماددە خۆراکیانەی کە زۆر گرنگن بۆ تەندروستی جەستە لە کاتی ڕێجیمکردندا، وەک ڤیتامین D، ڤیتامین B12، کۆڵین، ڤیتامین B12، ڤیتامین A، ڤیتامین K، و ڤیتامین E.
بەڵام پێویستە زەردێنەی هێلکە بە ڕێژەیەکی مامناوەند بخورێت، چونکە ئەگەر بە رێژەیەکەی زۆر بخورێت کاریگەری خراپی لەسەر تەندروستی جەستە دەبێت.
