ڕێژنە میدیا
ئەمڕۆ ڕێکەوتی ٢٥/٩/٢٠٢٤ مەسرور بارزانی، سەرۆک وەزیرانی هەرێم لە شاری کۆیەوە ڕایگەیاند ، لەم رۆژانەدا دەست بە جێبەجێکردنی دووسایدی هەولێر – کۆیە دەکرێت و ناحیەی تەقتەق_یش دەکرێتە قەزا.
لە سەردانەکەی مه‌سرور بارزانی سەرۆک وەزیرانی حکومەتی هەرێم، لە وتاری رێوڕەسمی لێدانی ساڵی نوێی خوێندنی 2024-2025، لە قوتابخانەی “نەجیبە جەلی زادە”ـی کۆیە، وتی، “لە چەند رۆژی داهاتوودا دەست بە دروستکردنی جووتسایدی هەولێر – کۆیە دەکەین کە خواستێکی دێرینی خەڵکی کۆیە و هەولێر بووە”.
ئاماژەشی بەوە کرد ، “بڕیارمان داوە بە قەزاکردنی ناحیەی تەقتەق وەک یەکێک لە کۆنترین ناحیەکانی کوردستان کە ئەمەش یارمەتیدەرێکی زۆر دەبێت بۆ خەڵکی ناوچەکە و بارگرانی ئیداری لەسەر شاری کۆیە کەم دەبێت و تایبەتمەندییەکی زیاتر بە تەقتەق دەدرێت”.
