ڕێژنە میدیا
سەرۆكایەتی دادگای تێهەڵچونەوەی ناوچەی سلێمانی، روونكردنەوە لەبارەی دەنگۆی فرۆشتنی بینای دادگای سلێمانی دەدات و رایدەگەیەنێت: هەواڵەكە هیچ بنەمایەكی نییەو سكاڵای یاساییش تۆمار دەكەین.
لە روونكردنەوەیەكدا كە ئەمڕۆ سێشەممە لەلایەن سەرۆكایەتی دادگای تێهەڵچونەوەی ناوچەی سلێمانی-یەوە بڵاوكراوەتەوە، هاتووە، ” لەچەند سایت و پەیج و سۆشیاڵ میدیایەك هەواڵێكی ناڕاست بڵاوكراوەتەوە كە گوایە شوێنی بینای دادگای سلێمانی فرۆشراوە و دەكرێتە پڕۆژە، بە هەموو لایەكی ڕادەگەیەنین كە ئەم هەواڵە دوورە لە ڕاستییەوە و هیچ بنەمایەكی نییە”.
سەرۆكایەتی دادگای تێهەڵچونەوەی ناوچەی سلێمانی راشیگەیاندووە، لەگەڵ ئەوەی كە نازانین بە چ مەبەستێك ئەم هەواڵە ناڕاست و بێبنەمایانە بڵاودەكرێتەوە، بەمافی خۆشمانی دەزانین سكاڵای یاسایی دژی ئەو سایت و پەیجانە تۆمار بكەین.
