ڕێژنە میدیا
ئەمڕۆ سێشەممە 3ی ئەیلولی 2024، کامەران عوسمان، سەرۆکی رێکخراوی ئەمریکی “CPT” بۆ دەزگاکانی ڕاگەیاندن وتی “لە شەوی رابردوو سوپای تورکیا بە شێوەیەکی زنجیرەی و لەڕێگەی فڕۆکەی جەنگییەوە 24 جار بۆردوومانی هەرێمی کوردستانی کردوە”.
بە گوێرەی ئەو زانیاریانەی کامەران عوسمان ئاماژەی پێکردووە، هێرشەکان بۆ سەر ئەم شوێنانەی خوارەوە بوون لە هەرێمی کوردستان:
– دامێنی گرێ بەهار و پشتی گوندی بەلاڤە لە قەزای ئامێدی.
– چیای حەوت تەبەق و گوندەکانی کەفنە مژێ و سپیندارێ و گیرگاشێ لە بەری گارێ لە قەزای ئامێدی.
– چیای کتکین و خواکوڕک لە قەزای سیدەکان.
– چیای کۆخە و شاخی تاڵە لە سنوری قەزای چۆمان.
– دەورووبەری گوندی قەڵاتوکان لە سنوری قەزای پشدەر.
– هەواری ڕەوەندەکانی گوندی کوێرەکانی و چیای ئاسۆس لە سنوری قەزای ماوەت.
سەرۆکی رێکخراوی CPT ڕاشی گەیاند ، “لە هێرشەکانی شەوی رابردوودا هیچ هاوڵاتییەکی مەدەنی نەبووەتە قوربانی”.
