ڕێژنە میدیا
بەرەبەیانی ئەمڕۆ لەلایەن فڕۆکە جەنگییەکانی تورکیا سنووری قەزای شارباژێڕ بۆردوومانکرا، وەک قایمقامی قەزای ماوەت ئاماژەی پێدا، بۆردوومانەکە زیانی نەبووە.
کامەران حەسەن، قایمقامی قەزای ماوەت ڕایگەیاند ، “بەرەبەیانی ئەمڕۆ سێشەممە 20ی ئابی 2024 بە فڕۆکە دووجار سنووری گوندی قامیش و گەڵاڵەیان بۆردوومانکردووە”.
قایمقامی قەزای ماوەت ئاماژەی بەوەشکرد، “بۆردوومانەکە کۆتایی هاتووە و زیانی لێنەکەوتووەتەوە”.
لەماوەی 10 ڕۆژدا ئەمە سێیەم جارە فڕۆکەکانی تورکیا بۆردوومانی سنووری قەزای شارباژێڕ دەکەن.
