ڕێژنە میدیا
به‌هۆی دواكه‌وتنی مووچه‌ب مانگی ته‌مموز، بایكۆنی ده‌وام روو له فراوانبوون ده‌كات و سه‌ره‌تای بایكۆته‌كه‌س له فه‌رمانبه‌رانی دادنووسی گه‌رمیانه‌وه ده‌ستیپێكرد.
بەگوێرەی ئەو زانیاریانەی بەدەست ماڵپەری ڕێژنە میدیا گەیشتوە ئه‌مڕۆ دووشه‌ممه 12ی ئابی 2024، دوای بایکۆتی کارگوزارەکانی سەربە بەڕێوەبەرایەتی گشتی تەندروستی گەرمیان، فەرمانبەرانی فەرمانگەی دادنوسی کەلارو رزگاری بایکۆتی دەوامیان کرد و ئیشوکاری هاووڵاتیان رایی ناكرێت.
ئه‌و فه‌رمانبه‌رانه باسیان له‌وه كردووه، كه ده‌بێت 30 رۆژ جارێك مووچه‌كانیان پێبدرێت، ئه‌گه‌رنا هه‌ر 30 رۆژ ده‌ژمێرن، له‌و واده‌یه تێپه‌ڕی و مووچه‌یان وه‌رنه‌گرت، ده‌وام بایكۆت ده‌كه‌ن.
ماوه‌ی زیاتر له مانگێكه لیستی مووچه‌ی فه‌رمانبه‌ران بۆ مووچه‌ی مانگی حه‌وت ره‌وانه‌ی به‌غدا كراوه، به‌ڵام تا ئێستا وه‌زاره‌تی دارایی عێراق مووچه‌ی ره‌وانه‌ی هه‌رێم نه‌كردووه.
