ڕێژنە میدیا
لەکاتی وتاردان بۆ هاوڵاتیان و بانگەشەی هەڵبژاردن بۆ پۆستی سەرۆکایەتی , دۆناڵد ترەمپی کاندیدی پۆستی سەرۆکایەتی ئەمریکا لە ویلایەتی پێنسلڤانیا، تەقەی لێ کرا و هەوڵی کوشتنی درا.
لەکاتی وتارەکەی ترەمپدا، دەنگی چەند گولـلەیەک بیسترا و بۆ ماوەی چەند چرکەیەک ترەمپ کەوتە سەر زەوی، بە گوێرەی چەند ڤیدیۆیەکیش کە لە تۆڕە کۆمەڵایەتییەکان بڵاو کراونەتەوە، ترەمپ تەنها گوێچکەی بریندار بووە و لە ئیستادا تەندرووستی جێگیرە .
هاوکات لە هێرشبەرەکە لەلایەن پۆلیس بەرپەرچی درایەوە و لە هەمان شوێنی ڕووداوەکە کوژرا .
کەمێک بەر لە ئیستا ، راوێژکارێکی ترەمپ بە ئاژانسی سی ئێن ئێنی ئەمریکی راگەیاندووە، دەستیان بە لێکۆڵینەوە لە رووداوەکە کردووە و لە ئێستادا ترەمپ لە شوێنی رووداوەکە دوورخراوەتەوە.
بڕیارە لە تشرینی دووەمی ئەمساڵدا هەڵبژاردنی سەرۆکایەتی ئەمریکا بەڕێوە بچێت .
جۆ بایدنی سەرۆکی ئێستای ئەمریکا و کاندیدی دیموکراتەکان لەگەڵ دۆناڵد ترەمپی سەرۆکی پێشووی ئەمریکا و کاندیدی کۆمارییەکان، رکابەری لەسەر بەدەستهێنانی ئەو پۆستە دەکەن.
پۆلیسی ویلایەتی پێنسلڤانیا ڕایگەیاند دەستیان بە لێکۆڵینەوەی چڕ و ورد کردوە لە دۆزینەوەی ناسنامەی ئەو کەسەی کە هێرشەکەی ئەنجام داوە .
