ڕێژنە میدیا
لەسەر شەقامى 100 مەترى شارى سلێمانى بەرەو گوندى ناوگردان، مرداربونەوەى بەکۆمەڵى ئاژەڵەکان رویداوە و سەرچاوەیەکیش ئاشکرای دەکات ئاوى پیسى پاشماوەى کارگەکانیان خواردوەتەوە.
دانیشتوانى نزیک لەو ناوچەیە ڕایانگەیاند لە مرداربونەوەى بە کۆمەڵى ژمارەیەکى زۆر مانگا و ئەسپى ناوچەکەیان نیگەرانن و هۆکارەکەشی بەهۆی پیسبونی ژینگەی ناوچەکەیان بەهۆی پاشماوەی کارگەکان دەگەڕینەوە .
لە ئیستادا بۆنێکى ناخۆش تەواوى ناوچەکەى تەنیوە و بەشێک لە ئاژەڵەکان بەهۆى ئەوەى ماوەیەکى زۆرە مرداربونەتەوە بەتەواوەتى لاشەیان شی بوەتەوە.
سەرچاوەیەک بۆ ماڵپەرەکەمان ڕایگەیاند : ئەو ئاژەڵانە بۆ خواردنەوەى ئاو پەنایان بردوە بۆ خواردنەوەى ئاوى ئەو چەمانەى لە ناوچەکەوە نزیکن و ئەو ئاوانەیان خواردوە، بەڵا ئاوى چەمەکان بەهۆى پاشماوەى کارگەکانى ئەو ناوچەیەوە پیس بوە و بوەتە هۆى ژەهراویبون و مرداربونەوەى ئاژەڵەکان.
