ڕێژنە میدیا
به تۆمه‌تی ده‌ستبه‌سه‌ركردنی كچان و ژنانی ئێزدی و كاركردن له‌گه‌ڵ رێكخراوی داعش، دادگای كه‌رخ له شاری به‌غدا سزای له‌سێداره‌دانی بۆ هاوسه‌ره‌كه‌ی ئه‌بوبه‌كر به‌غدادی، سه‌ركرده‌ی كوژراوی پێشوی ئه‌و رێكخراوه ده‌ركرد.
میدیاكانی عێراق بڵاویانكرده‌وه كه ژنه‌كه‌ی به‌غدادی تۆمه‌تی ده‌ستبه‌سه‌ركردنی كچان و ژنانی ئێزدی له ماڵه‌كه‌ی خۆیدا و كاركردن له‌گه‌ڵ رێكخراوی داعشی به‌سه‌ردا ساغ بوه‌ته‌وه.
له‌سه‌ر ده‌ركردنی سزای له‌سێداره‌دان بۆی، ناوه‌ندی راگه‌یاندنی ئه‌نجومه‌نی باڵای داد له عێراق به‌یاننامه‌یه‌كی ده‌ركردوه‌و ده‌ڵێت دوای ده‌ستبه‌سه‌ركردنی ئه‌و كچ و چنه ئێزدیانه له‌لایه‌ن ژنه‌كه‌ی به‌غدادییه‌وه، دواتر چه‌كداره‌كان داعش هاتوون بردویانن بۆ شوێنێ:ی نادیار.
ده‌شڵێت: به‌پێی مادده‌ی چواره‌م برگه‌ی یه‌ك و مادده‌كانی 1 و 3 له یاسای بنبركردنی تیرۆر و به‌پێی برگه‌ی یه‌كه‌می مادده‌ی 7 له یاسای رزگاربوانی ئێزدییه‌كان سزاكه بۆ ژنه‌كه‌ی به‌غدادی ده‌ركراوه.
